هذه الاشعار للشاعر مالك الحزين اتمنى ان تعجبكم

السلام عليكم ورحمتة الله وبركاتو


هذه الاشعار للشاعر مالك الحزين اتمنى ان تعجبكم
تحياتي

الشاعر امـــ العابد ـــير



ماقاله عن العراق


هــذا اني العــراقي الما كســرت العـــود ولا يـنمـس دخيـل يلوذ يم بابي
لا بعت اعربيتي ولا كـلت امين ولا خــنت الـــوطــن واقـبـضـت اتعابي
انـي ابـن الرصـافي الما خـذلت الگـــاع و لا تعـرف مـذلة حــروف سيابي
رضعت مــــــن المعـــارك نكهة البـارود وبـدم الغــــــزاة ملوثة حرابي
مــا اركع و اداهن حفــنة الـعفـنين واكســر نابي لــو الهم ضحك نابي
و اشد ليل على ليل ومـــا اغمض بـي وافجر كـل همـر داست على ترابي
انى سيف وسعد جدي علي الكرار و اني التوجع ضربتي و ما خطة صوابي
لا ثــوب الذبح لا سلبت فد يــوم و لئن اهــوى الوطن سموني ارهــــابي
لاضل ذاك العـراقي التحجي بيه الناس و ما بيع الوطن لو بيع انى اثيابي



ما قاله عن الوطن

كل عام وانت الوفي ونبقى على حبك نصِّر
ونكن لك بهالگلب شوگ ومحبة نصر
ونشعلك ارواحنا وشموع عيدك نصير
الشعب مركب هوى وبّحر شوگك عام
من حيث حبك على كل الخلايك عام
گلناها لك من گبل ونگولهة بهالعام
كل عام وانت بألف خير وسلامة ونصر
كل عام وانت بألف خير وسلامة ونصر







ما قاله في الغزل


انت عينك على شفتي وآني عيني على الشفايف
وآنا كل عظامي ترجف انت خايف وآنة خايف
شلون هسة ؟ منهو يحجي منهو يبدي بالسوالف
انت لو آني دخيلك مو همت وكليبي تالف
ادري بعيونك تحبني وكلبي لعيونك موالف
بس تعال اليحجي كلمة بلا خجل وبلا مخاوف
ما خجلت بيوم مره وبالحجي شايف وعايف
وياما ياما لساني غازل وسكتت ياما مضايف
وهسة اريد احجيلي كلمة مرتبك جسمي يتراجف
انت اشو هم مثلي ترجف وبالعرك شو مثلي طايف
شصار بينه شمر علينة ؟ شكثر مرينه بمواقف
ما خجلنة وما رجفنة وما نبوك العين طارف
جنهة مو كلمة احبك جن جبل بلساني واكف
جنهة مو كلمة احبك جن جبل بلساني واكف
وارد اكلك شنهي هية كلمة لو جرمه ومخالف
شو احبك حيل احبك كافي عرگانين وندور مناشف
كافي عرگانين وندور مناشف




وبيت اخر

عيونك صيف مامرهن شته الهن
ومصايب شوكك بقلبي شــــتلهن
تكلي اسحــب همومك شتــــلهن
حيل ثكال راوني المنــــيـــــــــــة

تقبلوووو تحيات اخزكم الشاعر امــ العابد ـــير


وشكرااااان